Öyrənərək öyrədək!

                Öyrənərək öyrədək.

   Hər  dövrün  özünəməxsus,  dəyişkən  xüsusiyyətləri  içərisində  xüsusi   yer  tutan və gələcək nəslin yetişdirlilməsinə xidmət edən – öyrənmə bacarıqlarının üzə çıxarılması və  inkişafı, öyrənmə  vasitələrinin  hər  dövrün  tələbinə  uyğun  və  çeşidli olması, öyrənmə  üsullarının  konstruktiv istiqamətlənməsi,  fəal  təlimin  mexanizmlərini özündə  ehtiva  etdirən  öyrənmə  mühitinin  yaradılması  həmin  dövr  üçün  ən  ümdə məsələlərdən  biridir.  Bizim  yaşadığımız  müasir  dövr  də  müasir  həyatda  həm  insana,  həm  də  onun  bilik,  bacarıq  və  düşünmə  tərzinə  öz  tələblərini  qoyur.  XXI əsr  sürətlə  inkişaf  edən  kompyuter  texnologiyaları  əsridir.  Həyatın  bütün  sahələrində tətbiq olunan və gündəlik yaşamın tərkib hissələrindən birinə çevrilən kompyuter  texnologiyaları  XXI  əsrin  əsas  xüsusiyyətlərindən biri  kimi  təhsilin inkişafına  da  öz  təsirini  hiss  etdirməkdədir.  Azərbaycan   təhsili   də  daima   inkişaf edir  və  müasir  dövrdə  texnologiyanın  geniş  imkanlarından  istifadə  edən  və  bol informasiya  mühiti  ilə  əhatə  olunan  bugünkü  şagirdin  diqqətini  təlimə  cəlb  etmək, marağını  təmin  etmək  üçün  texnologiyanın  tədris  alətinə  çevrilməsi  və  təlim  prosesində   istifadəsi   qaçılmaz   fakt   kimi   qarsimizda   durur.

Uilyam  Fizerin  «Təhsil  və  təlim  prosesi  nəyi  bilmək  istədiyini  haradan  əldə  etmək və  əldə  etdiyin  məlumatdan  həyat  boyu  faydalı  istifadə  etmək  bacarığıdır.»  fikrində  qeyd  edildiyi  kimi  təlim  orta  və  ali  məktəbdə  təhsil  anlayışı  ilə hüdudlanmayan bir prosesdir və müasir dövrdə müəllim şagirdlərinə  yalnız  oxumağı öyrətməli  deyil,  onları  inkişafa  yönəlmiş  bir  şəxsiyyət  kimi  tərbiyə  etməlidir, istiqamət  verməlidir.  Bütün   bu  amilləri  nəzərə  alaraq  təlim  prosesini  faydalı  və maraqlı  etmək   üçün   şagirdlərin   maraq   dairələrinin   nəzərə   alınması  və  bütün  təlim   prosesinin   şagirdlərin   maraqlarına  uyğun  olaraq  qurulması  şəxsiyyətyönümlü  müasir  dərsin  tələbi  kimi  qarşımızda  durmaqdadır.  Şagirdlərin maraq  dairələrini  nəzərə  alaraq  İKT-dən  müasir  dərslərdə  tətbiq  etməklə  şagirdlərdə həvəs  və  maraq  yaratmaq  mümkündür.  

Bu yolda çalışan hər bir müəllimə uğurlar arzulayıram!